越是容易「連線」、關係越難「接通」-〈離線找真愛〉的啟示
- kmc6021
- 7月24日
- 讀畢需時 2 分鐘
最近睇《離線找真愛 Offline Love》呢個戀愛真人show，好多片段都好觸動人心。參加者要放低手機、唔可以查IG、唔可以打卡、無得用Google查背景，只可以靠面對面互動、實體信件同一本旅遊手冊去慢慢認識對方。無filter、無比對、無演算法——只有最原始的交流方式。
就係呢種看似「反科技」的設計，先令人重新感受到一種久違嘅「戀愛純粹感」——冇咗手機、即時通訊、App配對，只靠觀察對方語氣、眼神、反應去了解，好似返到以前嗰個慢慢了解一個人都係浪漫嘅年代。
節目呈現嘅，唔止係戀愛，而係一種「複雜世界的逃離」——一種暫時放低雜音，只靠感覺同用心，回歸最簡單人與人交流嘅方式。
今日，我哋步速太急——快閃約會、快餐式交往、快速判斷。
太多選擇，反而令人越嚟越唔懂得「真誠投入」。未傾夠幾句，就講感覺、有冇feel、咩係感覺？咩係feel？太抽象，冇人可以具體講得到。
現代人識人，太容易了。一個交友App，一晚可以 swipe 幾百人；IG inbox 一句「hi」就可以展開對話。喺這個資訊發達、通訊無縫的年代，真正的連結，反而變得奢侈。
這不是因為我們變得冷漠，而是太習慣了「選擇」與「效率」。
結果，我們經常在關係裡不斷「開始」，卻很難走得深入。
越是可以即時連線，關係卻好像越難真正「接通」。
以前鍾意一個人，必須要靠約定時間通電話、約定時間出嚟見面，不會隨便爽約，成段感情係慢慢鋪陳、由每次電話、每次見面建立出嚟。
一段關係的深度，不是靠效率建出來，而是靠陪伴、對話和細節一點一點累積。
《離線找真愛》感動之處，就係每一個細節都提醒緊觀眾——用心感覺對方、唔倚賴工具、冇得選擇太多，反而可以建立更真實嘅關係。原來「斷線」，先可以真正「連結」。
我們愈是活在一個無縫對接的世界，越需要學識斷開一吓，放下手機、拎起心機，唔好只係找個IG交朋友，而係要用心去認識下面前呢個人。
留言